సబ్సిడీపై వివిధ రకాల వ్యవసాయ పనిముట్ల వివరాలు
తెలంగాణ ఫర్టిలైజర్, పెస్టిసైడ్స్ & సీడ్స్
పెద్దవంగర (గ్రామం/మండలం),
మహబూబాబాద్ జిల్లా,
తెలంగాణ స్టేట్ - 506317. ఇండియా.
www.telanganafertilizers.blogspot.in
Email ID: telanganafertilizers11@gmail.com
మొక్కలకు తగు మోతాదులో పోషకాలు అందనప్పుడు పెరుగుదల సక్రమంగా జరుగక దిగుబడు లు తగ్గుతాయి. మొక్కల్లో కనిపించే లక్షణాలను బట్టి పోషకాల లోపాన్ని గుర్తించాలి. ఆయా పోషకాలు గల ఎరువులు అందించాలి.నత్రజని లోపిస్తే ఆకులు పసుపు రంగుకు మారి రాలిపోతయి. లోపం తీవ్రత ఎక్కువైతే పొలం ఎండిపోయినట్లు కన్పిస్తుంది.
భాస్వరం లోపిస్తే మొక్క పెరుగుదల తగ్గి ముదురు ఆకు పచ్చరంగు కన్పిస్తుంది. ఆకులు చిన్నవిగా మారుతాయి. లోపం తీవ్రత ఎక్కువైతే ఆకుల అడుగుభాగాన గోధుమ రంగు మచ్చలేర్పడుతా యి. పొటాష్ లోపిస్తే ముదురు ఆకులు పసుపు పచ్చరంగులోకి మారుతాయి. ఆకుల చివర్లో తుప్పు మచ్చలేర్పడి ఆకుల అంచులు, కొనలు ముడుతపడి తర్వాత ఇరిగిపోతాయి. కాల్షియం లోపించినప్పుడు మొక్కలు ముదురు ఆకుపచ్చగా ఉంటాయి. కొత్తగా వచ్చే మొగ్గ ఆకులు పసుపు రంగుకు మారుతాయి. లోపం ఎక్కువైతే ఆకు అంచుల నుంచి ఎండటం మొదలవుతాయి. మెగ్నీషియం లోపించినప్పుడు ఆకుల అంచుల నుంచి పసుపు రంగుకు మారడం మొదలై తర్వాత ప్రధా న ఈనెకు ఇరువైపులా పసుపు పచ్చ మచ్చలేర్పడి ఇవి క్రమేపీ పెద్దవై ఆనెకు ఇరువైపులా తిరుగబడిన వి ఆకారంలో ఆకుపచ్చ భాగం మిగులుతుంది. లోపం తీవ్రత ఎక్కువైతే ఆకులు రాలిపోతాయి.
గంధకం లోపిస్తే ఆకుల మీద పసుపు పచ్చ మచ్చలేర్పడుతాయి. ఆకులు పసుపురంగులోకి మారి ముడుచుకొని చిన్నగా అవుతాయి. మొక్కల్లో వేర్ల అభివృద్ధి ఆగిపోతుంది. జింక్ లోపిస్తే మొక్కల్లో ఈనెలు ఆకుపచ్చగా ఉండి ఈనెల మధ్య భాగం పసుపు రంగుకు మారుతుంది. కొత్త ఆకులు చిన్న వై మొక్క కణుపుల మధ్య దూరం తగ్గుతుంది. ఆకులపై తుప్పు రంగు మచ్చలేర్పడుతాయి. ఇనుము లోపిస్తే లేత ఆకులు పసుపు రంగులోకి, ఈనెలు ఆకుపచ్చ రంగులోకి మారిపోతాయి. లోపం మరీ ఎక్కువైతే ఆకుల ఈనెలు కూడా తెల్ల గా పాలిపోతాయి. బోరాన్ లోపం వల్ల కొత్తగా వచ్చే లేత ఆకులు మొదటి భాగంలో ఆకుపచ్చ రంగు కోల్పోవడం తెల్లని చారలు ఏర్పడటం, చిగురు ఆకులు చనిపోవడం, ఆకులు మెలికలు తిరుగడం మందంగా తయారవ్వడం ఉంటుంది. లోపం బాగా ఎక్కువుంటే మొక్క చివరి భాగంలో ని మొగ్గలు చనిపోతాయి. మొగ్గలు, లేత కాయల అడుగుభాగంలో పగుళ్ళు ఏర్పడుతాయి.మాంగనీస్ లోపిస్తే ఆకులు పసుపు రంగులోకి మారుతాయి. ఈనెలను ఆనుకొని ఉన్న భాగం మాత్రం ఆకుపచ్చగా ఉంటుంది.
మాలిబ్డినం లోపిస్తే ఆకులు లేత పసుపురంగులోకి మారుతాయి. ఈనెలు తప్ప మిగిలిన ఆకు భాగం మీద పసుపునుంచి నారింజ రంగు మచ్చలేర్పడుతాయి. లోపం ఉన్న చోట బంక కారుతుంది. రాగి ఇది లోపిస్తే ఆకుల ఈనెల మధ్య భాగం పసుపురంగులోకి మారుతుంది. కొమ్మల చివర్ల నుంచి లేత ఆకులు రాలిపోతాయి. కొమ్మ ఎండిపోయి కాయలపై ఇటుక రంగు మచ్చలేర్పడుతాయి.
పత్తిలో గులాబీ పురుగు-నివారణ
వానకాలంలో రైతులు ఎక్కువ మొత్తంలో పత్తి సాగు చేస్తున్నారు. వాతావరణంలో వచ్చి మార్పుల వల్ల పత్తి పంటకు కొత్త రోగాలు వస్తున్నాయి. వీటి నివారణకు అధిక పెట్టుబడులు పెడుతున్నారు. ఈ సమయంలో పత్తికి గులాబీరంగు పురుగు ఆశించింది. వ్యవసాయశాఖాధికారులు పంటను పరిశీలించి వీటి నివారణకు రైతులకు సూచనలు ఇస్తున్నారు.పత్తి నాటిన 45 రోజుల్లో పూతకు వస్తుంది. ఈ పూత దశను కాపాడేందుకు రైతులు రసాయన మం దులు పిచికారీ చేస్తారు. దీనివల్ల పత్తి ఆకులు బాగానే ఉన్నప్పటికీ పూత రాలిపోతుంది. రైతులు పత్తి మొక్కను పరిశీలిస్తే తప్పా గుర్తించడం కష్టమని వ్యవసాయ శాఖాధికారులు పేర్కొంటున్నారు. పత్తి ఆకుల్లో పురుగు ఉంటుంది. అది పైకి కనిపించేసరికి నష్టం జరుగుతుంది.
గులాబీ పురుగును గుర్తించడం
పువ్వులో ఎక్కువగా గులాబీ పురుగులుంటాయి. ఇవి ఆకుల కింది భాగాన లేత కొమ్మలు, కాయల పైన గుడ్లును పెడుతాయి. దాదాపు రెండు నుంచి మూడు వందల వరకు గుడ్లను పెడుతాయి. గుడ్ల నుంచి పొదిగిన పిల్ల పురుగులు మొగ్గులోకి తొలుచుకొనిపోతాయి. చిన్న కాయలకు కనిపించినంత చిన్న రంధ్రాలు చేసి లోపలికి ప్రవేశించి గింజలను తినివేస్తాయి. దీనివల్ల కాయల్లో దూది బరువు తగ్గిపోతుంది. రైతులకు తీవ్ర నష్టం జరుగుతుంది.పత్తిలో గులాబీ పురుగు పెరుగడానికి కారణం పంటకు నీరుపెట్టి ఎరువులు వేసి పంట కాలాన్ని పొడిగిస్తారు. జనవరి తర్వాత పత్తి పంటను చేనులో ఉంచకూడదు. జనవరి తర్వాత చేను లోతుగా దుక్కులు దున్నుకుంటే పురుగు పెరిగే అవకాశం ఉండదు. ఎండకు భూమిలో ఉన్న తెగులు చనిపోతుంది.పత్తికి గులాబీ పురుగు నివారణకు పత్తి పంటలో లింగాకర్షక బుట్టలు ఏర్పాటు చేసుకోవాలి. గులాబీ రంగు పురుగు ఆశించిన గుడ్డిపూలు, రాలిన పూత పిందెలను ఎప్పటికప్పుడు ఏరివేసి సమూలంగా నాశనం చేయాలి. 5 మిల్లిలీటర్ల వేపనూనెను లీటర్ నీటిలో కలిపి పిచికారీ చేయాలి. ప్రొఫెనోపాస్, థయోకికార్బ్, క్లోర్ పైరిపాస్, క్వినాల్పాస్, స్పైనోసాడ్తో పాటు రకాల రసాయన మందులను 45 నుంచి 120 రోజుల వరకు మార్చి మార్చి వాడాలి. దీంతో పత్తి పంటలో ఉన్న పురుగులు తగ్గిపోతా
